Sinibak sa pwesto an nagkapirang opisyal kan Bureau of Corrections na camp commander asin commissioned officer kan sarong kulungan huli sa pagporbar na pagpuslit kan kontrabando.
Hinali ni Bureau of Corrections Director Gregorio Pio Catapang Jr. sinda Corrections Chief Inspector Francisco Madrid asin Corrections Technical Inspector Edgar Laudencia.
Basado sa pahayag, planong ipuslit kudta sa laog kan kulungan an mga kontrabando kasabwat an sarong dump truck na nanutaran sa luwas kan Sablayan Prison and Penal Farm.
Mantang pigbisto an drayber kaini na si Rob Antaran asin pigpresentar an permit na pirmado kan camp commander na si Madrid kaya nakalaog sa pasilidad dara-dara an mga kargamentong graba asin baybay.
Kan makaabot sa nakatalagang ‘unloading area’, nagsayumang ibaba kan drayber an mga karga kaini asin sinaysay na raot soboot an hydraulic system kan trak.
Enot, pirang beses ining nagsunod sa instruksiyon kan mga personnel alagad kalaunan nag-amin ining igwa pang ibang laog an saiyang trak.Digde na nasabat kan mga otoridad an mga kontrabandong labi 200 bote kaibahan pati an mga produktong tobako.
Huli kaini, ipinagsugo na ni Bureau of Corrections Director Gregorio Pio Catapang Jr. an sarong hararom na imbestigasuon kun igwa pang ibang imbwelto na personahes.
Mantang an duwang sinibak na opisyal an pigbayo paramientras sa Directorate for Personnel and Human Resource Development sa National Headquarters kan kawanihan sa siyudad kan Muntinlupa.
