Nagluwas na an pamayuhan kan Philippine Ports Authority kan nagkapirang pagiromdom para sa salbado asin marhay pagkomemorar ngunyan na Undas 2025.
Para sa mga pamilyang mag aki, pigsuhestiyon kan PPA na darhon an mga minasunod: tickets asin IDs, meryenda asin inumon, kawatan, libro, o tablet, wet wipes asin ekstrang bado, kopya o jacket, first aid kit (band-aid, thermometer, paracetamol drops), asin name tag o safety wristband. Siertuhong kaputan an aki sa matawong lugar.
Para man sa mga solo traveler, kaipuhan darahon an valid ID asin ticket (may digital copy), sadit na bag, tubig, power bank asin charger, jacket o shawl, listahan kan emergency contacts, asin ipaaram an ruta sa mga kaparientes o amigo.
Magdara man nin sanitizer asin wipes asin ugalion na mag-abot nin amay sa pantalan.
Para sa mga senior citizen, siertuhong igwang darang maintenance na bulong (nakabugtak sa label), medical ID o reseta, magian na meryenda asin tubig, portable fan o sadit na ulnan, eyeglasses o reading aids, valid ID asin travel papers, asin assistance card o contact kan kaibahan.
Dae man mag-duwa-duwang maghagad nin tabang sa staff kan PPA kun igwang kaipuhan. Para sa mga Plantitas/Plantitos na maglalakbay, kaipuhan nin Clearance for Domestic Transport (CDT) gikan sa BPI–NPQSD.
Igwang limitasyon sa nagkapirang pananom siring kan genus Musa (saging/abaka).
Para sa mga fur parents, darhon an Veterinary Health Certificate asin valid shipping permit gikan sa BAI–NVQS (balido hasta 7 aldaw).
