Plano ngunyan kan Department of Transportation (DOTr) na dugangan an pagpapasairarom sa privatization kan mga paliparan sa nasyon.
Obheto kaini an tanganing mapagian an trabaho kan Civil Aviation Authority of the Philippines (CAAP) na nagiging operator asin regulator kan haros gabos na mga paliparan kan nasyon.
Pigsaysay ni DOTr Undersecretary for Aviation and Airports Roberto Lim na sa masunod na semana magkakaigwa nin kasunduan an ahensiya sa sarong private company para sa maintenance kan Laguindigan Airport sa Misamis Oriental.
Dugang pa kaini na an nasambitan na proyekto nagkakantidad nin P12.75 bilyon para sa 30-taon na consession period.
Nagkapira sa mga nakalinyang masairarom sa posibleng public private partnership deal an mga paliparan sa Iloilo, Puerto Princesa asin sa Kalibo.
Sa kabilugan na 90 na paliparan sa nasyon kadayon an mga saradit na airports sa mga isla ay lima lang suboot an pig-ooperate kan private companies asin ini an pigbabalihan kan Ninoy Aquino International Airport, Mactan-Cebu International Airport, Clark International Airport, Caticlan Airport, asin Laguindingan Airport.
