Nagkapirang personnel kan BRP Teresa Magbanua an kinaipuhan na i-evacuate tanganing magsairarom sa medical attention huli sa pagkulog kan saindang tulak asin dehydration.
Sigun sa Philippine Coast Guard (PCG) napiritan na maghali sa Escoda Shoal an barko huli sa raot kan panahon asin nauubos na an saindang suplay na pagkakan.
Dugang pa ni Commodore Jay Tarriela, tagapagtaram kan PCG para sa West Philippine Sea, an nasambitan ng BRP Teresa Magbanua an nag-abot sa pantalan kan Puerto Princesa Palawan gikan sa Escoda Shoal ngunyan man na aldaw nin Domingo.
Marurumduman, antes an insidente, pig-uulangan kan China Coast Guard an resupply mission para sa BRP Teresa Magbanua.
