NAGA CITY- Paramientras suboot na pinauntok an pigkokondusir na mga proyekto sa aeropuerto sa Singapore katakod kan mas mahigot na seguridad na piglatag kan mga otoridad huli sa gigibuhong US-North Korea Summit saaga, Hunyo 12, 2018.
Sa entrevista kan Bombo Radyo Naga ki Emma Belen, sarong Pinay Overseas Filipino Worker na presenteng nagtatrabaho sa Singapore, sinaysay kaini na mas pinahigot pa an seguridad na ipinapautob sa palibot kan Singapore Changi Airport huli sa historic summit ninda US President Donald Trump asin North Korean Leader Kim Jung-Un.
Nakaresibe man suboot sinda nin sarong stop work notice sa saindang ginigibong proyekto harani sa nasambitang aeropuerto komo parte kan pag-aandam sa summit.
Dugang pa ni Belen, nagkondusir man nin mga training sa laog nin simbahan manungod sa safety evacuation, safety drill asin iba pa katakod kan summit ninda Trump asin Kim na gigibuhon sa island resort kan Sentosa sa Singapore.
