Pigpatanid ni House Deputy Majority leader asin ACT-CIS partylist Rep. Erwin Tulfo an posibilidad na mawaran nin trababo o hanapbuhay an nasa 300,000 mga obrero sa nasyon huli sa talamak na barakalan sa online nin mga sub-standard asin pekeng produkto na kadaklan an gikan sa China.
Pigpahayag ini ni Tulfo makalihis magrani sa saiya an nasa 15 mga negosyante na kadaklan an manufacturer asin nagpapabakal nin mga appliance. Pig-agrangay ninda ki Tulfo na posible sindang malugi asin mapiritang magsarado huli sa epekto sa sainda kan talamak na barakalan kan online nin mga sub-standard asin pekeng produkto sa mas baratong kantidad huli ta dae man nag-aagi sa regulasyon kan gobierno.
Kawsa kaini, plano ni Tulfo na ibusol na maimbestigaran kan Kamara an “unfair online sales practices” kan mga offshore appliances na kadaklan an gikan sa China na maluwag asin direktang nakakalaog sa nasyon.
An nasambitan ng lakdan an nakapalaog sa isusunad kaining resolusyon ngunyan na aldaw kaiba sinda ACT-CIS partylist na sinda Reps. Edvic Yap asin Jocelyn Tulfo, siringman sinda Benguet Rep. Eric Yap asin Quezon city 2nd district Rep. Ralph Wendel Tulfo.
