Namamatean asin nahihiling na liwat kan publiko an paglapigot kan administrasyon ni Presidente Ferdinand Marcos Jr., makalihis na maglangkaw an saiyang trust asin performance rating sa pinakahuring survey.
Basado sa survey kan OCTA Research Group, naglangkaw pa sa 64% an trust rating kan Presidente sa ikaduwang quarter kan taon, mantang naglangkaw man sa 62% an saiyang performance rating.
Sigun ki Palace Press Officer Claire Castro, nagpapahiling an resultang ini sa pagigin epektibo an paghahatod nin mensahe kan gobyerno sa publiko, na nagpapahiling sa mga biyahe asin man trabaho kan Presidente.
Bagaman dae na man nagpapaapektar an Presidente sa mga numero asin resulta kan survey, welcome sa sainda an pagbisto kan publiko sa mga ginigibo kan administrasyon.
Para ki Castro, mas dipisil kun nagbababa an kumpiyansa asin pagtubod kan publiko sa sarong opisyal na aktibong nagtatrabaho, kumparar sa mga opisyal na dae na man nagta-trabaho alagad padagos na naglalangkaw an rating.
