Nagpipinturang security guard, nakuryente-gadan sa CamSur

NAGA CITY- Mayo nang buhay kan madukayan an lawas nin sarong security guard sa laog kan sarong eskwelahan sa banwaan nin Libmanan, Camarines Sur.

Binisto an biktima na si Roman Morandarte III, 40-anyos, security guard kan Ezer Christian School Incorporated.

Sa nakuang impormasyon kan Bombo Radyo Naga, napag-araman na nadiskobre na sana an bangkay ni Morandarte kan school administrator na si Genel Delfin, 35-anyos.

Basado sa inisyal na imbestigasyon kan PNP, napag-araman na nagpipintura suboot sa atop kan eskwelahan an biktima kan aksidente ining makaduta sa sarong live wire na nagresulta sa tulos na kagadanan kaini.