NAGA CITY- Liwat na naarestar an sarong detainee kan Bombon PNP makalihis na magdulag sa nasambitan ng prisinto.
Binisto an detainee na si Rico Enuenga, 37 anyos na nahahampang sa kasong anti-fencing law.
Sa entrevista kan Bombo Radyo Naga ki PO2 Maryana Peñas, tagapagtaram kan Bombon PNP, sinaysay kaini na nagpaaram sana suboot na makasilyas si Enuenga sa mga bantay alagad mantang yaon sa CR, kinua kaini an pagkakataon tanganing magdulag kun sain nag agi ini sa sadit na bintana kan nasambitan ng stasyon kan pulis pasiring sa omahan harani sa Bombon Central School.
Meintrastanto, sa tabang kan mga residente tulos man na nadakop an suspek asin ibinuwelta ini sa karsel.
Napag araman na nanlaban suboot an nasambitan ng detainee mantang dinadakop ini kan mga residente asin otoridad kun kaya nagsapo ini nin lugad sa manlaenlaeng parte kan saiyang lawas na tulos dinara sa ospital tanganing ipabulong. Sa ngunian, nagtitinir na sa kustudiya kan mga otoridad an suspek para sa maninigong disposisyon.
