NAGA CITY – Nairehistro an sarong plane crash incident sa rooftop kan sarong establisyemento sa California, USA.
Sa report ni Bombo International News Correspodent Virgie Contreras gikan sa USA, sinaysay kaini na pigkumpirmar na kan orange county department na binawian nin buhay an piloto asin an pasahero kan pig-apod na Kit plane makalihis na magbagsak sa sarong factory kan furniture company sa Fullerton orange county.
Dugang pa ni Contreras, pa take-off pa sana an nasambitan ng eroplano kan magkaigwa na nin warning na sa aldaw na idto magigin mapanganuron asin igwang hanging habagat an mamatean kan kadaklan sa South California.
Kun marurumduman soboot kan Enero, 2020 kan binawian nin buhay si Kobe Bryant sa saro man na plane crash, siring man an nangyari na igwa nin namamatean na hanging habagat asin mapanganuron na kondisyon.
An nasambitan ng Kit Plane an saro sanang sadit na eroplano na pwede man makalaog sa garahe.
Basado sa imbestigasyon pa take off pa sana ini, namatean na kan piloto na kaipuhan soboot kaini magbweltada sa sadit na airport sa Fullerton, alagad dae na soboot makapagdesisyon an piloto kun saen ma-landing sa lane 6 o kaya man sa lane 24.
Sigun pa ki Contreras na sa huring minuto nagdesisyon an Piloto na sa ibong magla-landing alagad huri na soboot an gabos kun kaya an nasambitan ng eroplano an nagsabog man sa factory kan furniture company.
Nagpakol man sa 19 obrero kan factory an irido huli man sa pagsabog kan Kit plane.
Sa ngunyan, dae pa soboot aram kun pira an kantidad kan danyos sa nasambitan ng factory alagad kun manunutaran sa mga ladawan na pigpost sa social media, dae man nasakop kan pagsabog an bilog na building kan furniture company.
