Nakipagbilar na lalaki, nadukayan an bangkay na igwang tama nin bala sa daghan sa CamSur

NAGA CITY- May tama nin bala sa saiyang daghan kan madukayan an sarong lalaki sa barangay Manlucugan, Vinzons, Camarines Norte.

Binisto an biktima na si Celencio Jerico, 55-anyos.

Sa nakuang impormasyon kan Bombo Radyo Naga, napag-araman na huring nahiling an biktima kan magpasiring ini sa sarong bilar sa saindang lugar asin nakipag-inuman pa suboot ini digdi.

Basado man sa sarong residente sa lugar na si Arnel Moya, nakadangog suboot siya nin duwang putok nin badil asin nadiskobre na sana kinaagahan an mayo nang buhay na lawas ni Jerico na igwa nin tama kan bala sa saiyang daghan.

Sa ngonyan, pigsasairarom na sa autopsy an bangkay kan biktima mantang nagpapadagos pa an imbestigasyon sa pangyayari.