Nagpakol na sa 18 katawo an nairehistrong nalugadan sa pag-crash kan Delta Air Lines flight gikan sa Minneapolis – St. Paul International Airport mantang pa-landing sa Toronto Pearson airport aldaw nin Lunes, Pebrero 17, oras sa Estados Unidos.
Sigun sa airline, gabos kan 80 lunad kan pampasaherong eroplano an salbado na naibakwar kun saen 76 digde an mga pasahero mantang 4 man an crew members.
Sigun sa Peel Regional Paramedic Services, 18 katawo an dinala sa local hospitals kun saen 2 adults asin 1 aki an nagsapo nin critical injuries.
Mientrastanto, mayo man nairehistrong fatalities o binawian nin buhay sa insidente.
Dae pa man malinaw kun pano nagbaliktad an eroplano alagad maski posibleng nakaapektar digde an makusog na duros.
Basado sa Meteorological Service of Canada, nairehistro an duros na nag-aabot sa 32 miles per hour (mph) asin bugso na nagpapakol man sa 40 mph sa nasambitan ng palupadan kan mangyari an plane crash kasabay nin pag-agi kan remnants kan winter storm sa may Toronto.
Sa presente, piglilinig na an wreckage sa palupadan. Paramientras man na pigsuspender an gabos kan flights sa Pearson Airport alagad naski ipinagpadagos an departures asin arrivals.
