Nagpakol na sa nasa 38 katawo an binawian sa Chinese capital region makalihis an pagbulos nin makusog na pag-uuran na nagkawsa in pagbaha, pagrasay ni daga asin pag-ibakwar kan rinibong residentes.
An dakulang numero kan mga nagadan an nairehistro sa Beijing, kun saen 30 katawo an binawian nin buhay na pigsundan kan kataid na probinsiya na Hebei, kun saen igwa man walong katawo an nagadan.
Sigun sa Meteorological Administration kan nasyon pirang aldaw nang nakaeskperyensiya nin pag-uran an northern China na nagpapadagos hasta sa ngunyan.
Mientrastanto, nangapudan man si Chinese President Xi Jinping nin tolos na pag-rescue asin pigpepreparar an mga residente kan mas peligrosong sitwasyon huli sa insidente.
Enot naman na pigsaysay kan Chinese central government na nag-alokar ini nin 350 million yuan o $48 million sa disaster relief funds sa mga naapektaran kan mahewsang pagbaha orog na sa Beijing asin Hebei.
