NAGA CITY – Naghiro na an mga barko kan China sa parte kan West Philippine Sea tanganing magbilog nin blockade kontra sa Civilian convoy kan Atin Ito Coalition.
Ini man an pigreport ni dating United States Air Force official asin former Defence Attaché Ray Powell basado sa saindang pinakahuring monitoring sa West Philippine Sea.
Sigun sa opisyal, mapakol sa 40 mga barko kan China an nagpuon nang maghiro na kinababalihan kan sarong People’s Liberation Army Navy ship, walong China Coast Guard vessels, 34 Chinese militia vessels sa palibot kan Bajo de Masinloc shoal.
Siringman, sinaysay man ni Powell na na-monitor man kaini an patrol ship kan Philippine Navy na BRP Ramon Alcaraz na harani sa Scarborough Shoal asin padagos man na nagbabantay sa sitwasyon sa lugar.
Marurumduman, kasuudma nagin matrayumpo man an pigsagibong pagbubugtak nin mga buoy kan nasambitan ng grupo sa parte kan West Philippine Sea na igwa nin mga katagang “WPS ATIN ITO”.
