NAGA CITY- Kumpiskado ang nasa mahigit P30,000 na halaga ng hinihinalang shabu matapos ang isinagawang buy-bust operation laban sa dalawang suspek sa Lucena City.
Kinilala ang mga suspek na sina Emmanuel Ludovice Jr., 42-anyos at Aljon Abaño, 26-anyos, residente ngPurok Damayan 2, Brgy Ibabang Iyam sa naturang lungsod.
Sa nakalap na impormayson ng Bombo Radyo Naga sa Quezon Police Provincial Office, nabatid na nabili ng umaktong poseur buyer mula sa dalawang suspek ang isang piraso ng ilegal na droga.
Maliban dito, nakumpiska pa sa mga suspek ang apat na piraso ng heat sealed transparent plastic sachet na may laman ng hinihinalang shabu.
Ang mga shabu ang may bigat na 1.5 grams at nagkakahalaga ng P30,600.
Sa ngayon, nasa kustodiya na ng mga awtoridad ang mga suspek para sa karampatang disposisyon.
