Nahiling kan mga eskperto an sarong asteroid na igwang labi sarong porsyentong tsansa na magtama sa kinaban sa masunod na walong taon.
Sigun sa NASA, an nasambitan ng asteroid an kasing dakula kan sarong football field asin posibleng magkawsa nin mahewasang danyos sa siyudad na babagsakan kaini.
Alagad maski dae nahahadit an mga eksperto, padagos man ninda ining pigmomonitor.
An 2024 YR4 an asteroid na enot na nahiling kan nakalihis na Disyembre 27, 2024 kan El Sauce Observatory sa Chile.
Basado sa liwanag kaini, igwa ining pigkakarkulong dakula na 130 hasta 300 feet o 40 hasta 90 na metro an lapad.
Pag-abot kan Bagong Taon, an report na ini an naka-abot ki Kelly Fast, acting planetary defense officer kan US space agency na NASA, asin pigtukoy komo object of concern.
Padagos na nag-aangat an risk assessment asin kan nakalihis Enero 29 an nag-isyu nin memo an International Asteroid Warning Network (IAWN), sarong global planetary defense collaboration.
Sa pinakahuring kalkulasyon kan Jet Propulsion Laboratory kan NASA, igwang 1.6 percent na tsansa an asteroid an matama sa kinaban sa Disyembre 22, 2032.
Kun ini an matama, posibleng magin impact site kaini an eastern Pacific Ocean, northern South America, Atlantic Ocean, Africa, Arabian Sea, asin South Asia.
