Pigtawan-duon kan mga parasira sa nasyon an dakulang epekto soboot kan presenteng isyu sa pinag-aagawang teritoryo kan Pilipinas o an West Philippine Sea.
Sa pangengenot ni Roberto ‘Ka Dodoy’ Ballon sarong parasira asin co-convenor kan Atin Ito Coalition, saiyang ipigheras an importansiya kan parte kan dagat sa food security kan nasyon.
Sigun kaya sa saiya na digde nakasalalay an dakulang parte sa suplay kan mga pagkakan kan Pilipino orog na an mga gikan sa kadagatan.
Kaya siring na sana an saiyang paninindugan na dae dapat igilid an nasambitan ng isyy na dapat pag pagtuonan nin pansin tanganing lubusang masimbagan.
Dugang pa kaini, importante an mga pagkakan na sira huli ta digde kadalasang nagpupuon an protinang kinakaipuhan kan sarong indibidwal o mga Pilipino.
Kun saen saiya pang ipinaliwanag kun ano an mga posibleng mangyari enkaso dagusan ng maagaw an West Philippine Sea.
Huli digde, inihayag kan Atin Ito Coalition an pagkasararo asin pagselebrar kaini sa aldaw kan mga parasira ngunyan na aldaw.
Nakisumaro soboot an grupo sa pagselebrar kaini, orog pa marurumduman na inialay kan koalisyon an paglalayag sa West Philippine Sea orog na para sa mga Pilipinong parasira.
Mientrastanto, katakod man sa civilian mission kan koalisyon na kakatapos sana, tulos sindang nagtaong pasasalamat sa mga otoridad na iyong nagtabang asin nag-asister sa sainda.
Kun saen ipigheras ni Rafaela David, mission commander kan Atin Atin Coalition an saiyang pasasalamat sa Philippine Coast Guard, Philippine Navy, National Maritime COuncil, asin kan National Task Force on the West Philippine Sea.
Pinasalamatan kaini an mga ahensiya huli ta sjnda an nagsierto na salbado an gabos kan mga nagpartisipar sa nasambitan ng civilian mission kan Atin Ito coalition.
