An Bombo Radyo Philippines, katuwang an Bombo Radyo Philippines Foundation, Inc. asin an Philippine Red Cross, makundusir ngunyan na aldaw, Nobyembre 15, 2025, nin Dugong Bombo 2025—an pig-aabangan na pinakadakulang boluntaryong blood donation event sa nasyon, na sabay-sabay pigkukundusir sa 25 key areas sa bilog na nasyon.
An Dugong Bombo ngunyan na taon igwang mas hararom na kahulugan mantang padagos nagbubuhat an nasyon gikan sa mapaminsalang mga bagyo asin kasuarin sanang makusog ma linog na nagtama sa nagkapirang rehiyon.
An tolos na pangangaipuhan para sa bastante asin pusog na suplay kan dugo orog na nagtaong-duon sa importansiya kan mga makatawong inisyatibong pinangengenutan siring kan Dugong Bombo.
Sa bilog na nasyon, ribu-ribung Pilipino gikan sa mga ahensiya kan gobierno, civic organizations, relihiyosong grupo, eskwelahan, uniformed personnel, pribadong kumpanya asin mga indibidwal na donor an liwat nagkasararo sa pagmamalasakit.
Kaibahan sa mga nagsusuporta an Catholic Bishops’ Conference of the Philippines (CBCP), na buong pusong pig-eenkaminar an mga mananampalataya na makilahok komo konkretong pagpapahayag kan pananampalataya, pagkakawanggawa, asin pakikisumaro sa mga nangangaipuhan.
Sa lampas duwang dekada an Dugong Bombo nagserbing malalaomang lifeline para sa mga blood bank, ospital, asin emergency response units, na nagtatao nin ribu-ribong unit kan dugo na nakakapagsalbar kan kadakol na buhay taon-taon.
An epekto kaini an padagos na namamatean maski matapos an mismong aldaw kan aktibidad—an simpleng pagtatao nagigin makapangyarihang simbolo kan paglaom asin karahayan.
Sa temang “A Little Pain, A Life to Gain,” an inisyatibong ini an nagpapagirumdom sa kada Pilipino na maski pirang minuto sana asin kadikit na kirot an kawsa kan pagtatao nin dugo, pupwede ini magin salik sa pag-ultanan kan buhay asin kagadanan para sa sarong tawo na nasa kritikal na kamugtakan.
Sa ibong kan pag-uswag kan teknolohiya, mayo pa man karibay an dugo kan tawo kun ini kinakaipuhan tolos.
Mantang isasagibo an Dugong Bombo 2025 sa bilog na nasyon, liwat pigpapapusog kan Bombo Radyo Philippines, kaibahan an Bombo Radyo Philippines Foundation, Inc. asin an Philippine Red Cross, an saindang dedikasyon sa pagseserbe sa nasyon, pagpapapusog kan komunidad, asin pagsagip kan buhay kan mga Pilipino—sarong importanteng donasyon sa kada pagkakataon. Maghirilingan kita mga ka-bombo sa Robinson’s Place Triangulo Naga City.
