NAGA CITY – Igwa nin tig-duwang taman kan bala nin badil sa lawas an nawarang beauty pageant contestant na si Geneva Lopez asin Israeli fiancé kainig si Yitzhak Cohen.
Ini an nagluwas sa autopsy na isinagibo kan National Bureau of Investigation (NBI) makalihis madukayan an bangkay kan duwa sa Barangay Sta. Lucia sa Capas, Tarlac kan Sabado.
Basado sa autopsy kan NBI, nagsapo nin tama sa daghan asin saiyang hita si Lopez mantang duwang tama nin bala sa daghan an nasapo ni Cohen.
Katakod kaini, pigsairarom na sa ballistic examination an nadukatyan na bala sa lawas kan beauty queen. Nagsagibo na man nin DNA testing an Scene of the Crime Operation (SOCO) sa mga bangkay kan mga ini tanganing masierto an saindang pagkakabistohan.
Mientrastanto, igwa nin kapot na duwang suspek an mga otoridad asin basado sa inisyal na imbestigasyon an posibleng iwal soboot sa daga an motibo sa krimen.
Marurumdoman, huring nahiling na buhay an duwang biktima kan bisitahon an dagang babakalon kuta ninda sa Capas kan Hunyo 21. Kinaomagahan, nahiling an saindang behikulo na SUV na pigsulo mantang nawawara an mga biktima.
