Aram baya nindo mga ka-bombo, liwat na nakabweltada sa lalaki na gikan sa Virginia an saiyang nawarang singsing makalihis an 15 taon.
Binisto an lalaki na si Wayne Corprew kan Roanoke.
Sigun ki Corprew mantang nagpipili ini nin Christmas tree sa Joe’s Trees sa Newport kan 2010 saiyang nadiskubrer na nawawara na palan an sulot na singsing.
Liwat soboot na nagbalik si Corprew sa nasambitan ng farm tanganing maghanap alagad nabigo ini.
Kan taong 2018 an farm nagbago nin maysadiri kan mabakal ninda Darren Gilreath asin saiyang agom na si Samantha an farm sa saindang kapamilya na si Sue Bostic.
Pigsaysay kan mag-agom na mantang sinda an nagpapakarhay nin daga para sa itatanom na mais kan manutaran an nagkikinang na bagay asin kan hiligon, digde na napansin na saro ining singsing.
An maysadiri kan farm naghanap nin notes sa bulletin board na nawalat ni Bostic asin duman ninda nahiling an papel kun saen nakasurat an contact information ni Corprew.
Sa paagi kaini, matrayumpo na naibalik sa lalaki an saiyang nawawarang singsing na labi man an pasasalamat sa maysadiri kan farm.
