Aram baya nindo mga ka-bombo, an sarong singsing na nawawara sa laog nin pirang dekada an liwat na nakabalik sa sarong pamilya sa Nebraska makalihis na mahiling na nakatalbong sa baybayon kan New Jersey kan sarong treasure hunter sa paagi kan metal detector.
Sigun ki Andrew Ciffer, mantang nagsasagibo soboot ini nin beach combing sa Belmar kan mahiling an nasambitan ng singsing.
Nagdesisyon ini na hanapon an maysadiri sa paagi kan initials na nakabugtak sa singsing na “B.W.”An singsing igwang kinaaraman sa Crete High School sa Nebraska, harong 1,300 miles an rayo gikan sa Belmar.
Pigkontak kaini an Crete Public Library tanganing maghagad nin tabang na maipaabot sa Crete Public Schools Foundation an saindang hinahanap.
Digde na napag-araman na an initials na “B.W.” an nangangahulugan na Barbara Wielage, miyembro kan class of 1966.Si Barbara an presenteng naka-istar ngunyan sa Boston pirang dekada naman an nakakalihis.
Sa ngunyan, nagtitinir na misteryo kun pano napadpad sa baybayon kan New Jersey an nasambitan ng singsing.
