Nagpatanid si NBA Commissioner Adam Silver na posibleng mahampang sa mas magabat na padusa, kaibahan an pagbawi sa draft picks, an mga koponan ka mapapatunayang tuyong nagpapadaog o nagsasagibo nin tanking.
Sa saiyang pahayag sa All-Star Weekend, inako ni Silver na mas naglala an nasambitan ng gibuhon ngunyan na season kumparar sa mga nakalihis na taon.
Ini an makalihis na patawan nin $500,000 na multa an Utah Jazz asin $100,000 man sa Indiana Pacers huli sa roster manipulation asin paglimitar sa playing time kan saindang mga key players.
Dugang pa kan opisyal, seryoso an liga na protehiran an integridad kan kawat kaya apwera sa multa, pinag-aadalan na man kan competition committee an pagbabago sa sistema kan draft lottery.
Mientrastanto, inihayag man ni Silver na papag-urulayan sa meeting kan board of governors sa Marso an posibleng expansion kan NBA, alagad mayo pang kumpirmasyon kun sa Las Vegas o Seattle ibubugtak an mga bagong koponan.
