Bukas si National Bureau of Investigation (NBI) Director Jaime Santiago sa posibilidaf na i-tap an International Criminal Police Organization (Interpol) tanganing bagaton an mga Filipino Content Creator sa ibang nasyon na pig-akusaran kan pagpapakuriyat nin disinformation.
Sa tahaw kan padagos na imbestigasyon kan NBI sa mga vlogger na pig-akusaran kan pagpapakuriat kan fake news, pigsierto ni Santiago na magigin sarong tapat na proseso an paghagad nin tabang sa Interpol na i-extradite an mga nagbalgar na Filipinong vlogger na nakabase sa ibayong dagat.
Ginibo ni Santiago an pahayag sarong aldaw makalihis kaining ibuyagyag na naaraman asin presentent pigbabantayan kan NBI an nasa 20 vloggers na pighihinalaang nagkukuriyat nin salang impormasyon.
Binanggit kan NBI Chief an mga huma sa hurisdiksyon sa pagtugis kan mga indibidwal sa ibang nasyong igwang manlaen-laen na legal frameworks partikularmente sa Estados Unidos kun saen bakong criminalized an libel.
Katakod kaini, sigun ki Santiago pigsusuri na kan NBI an mga alternatibong legal approach, kaibahan an mga potensiyal na kaso kan inciting to sedition asin tax evasion.
An pagdakol kan mga pig-uusig na online content creator sa irarom ni Presidente Ferdinand Marcos Jr. an sa tahaw kan nagtitinding tensiyon sa tahaw kan saiyang pamilya asin kan mga Duterte, partikularmente ni dating Presidente Rodrigo Duterte na pig-arestar asin presenteng nasa kustodiya kan International Criminal Court.
