Pigtawan duon ni Navotas Representative Toby Tiangco sa National Bureau of Investigation (NBI) na magpadara nin high level delegation sa International Criminal Police Organization (Interpol) Headquarters sa France.
Ini an tanganing mapahigot pa an pagtutok sa kahurutan na Red Notice kontra ki dating Ako Bicol Party-list Rep. Elizaldy Co tanganing malimitaran an hiro kaini asin mahanap an pigtataguan.
Dae kaya kuntento si Tiangco sa lakdang kan gobierno tanganing maibalik sa nasyon si Co asin mahampang an mga alegasyon katakod sa budget insertions asin pagkua nin kickback gikan sa maanomalyang flood control projects.
Pigtawan duon pa niTiangco, dapat mas magin pursigido asin agresibo an gobierno na mapanimbag si Co.
Pigpunto pa ni Tiangco na mantang mayo nin Red Notice ki Co, mas libredo ining nakakahiro asin nakakapagplano kun pano dudulagan an mga kasong pigsunad sa saiya.
