Kinumpirmar ni National Bureau of Investigation (NBI) Director Jaime Santiago na may request an Department of Public Works and Highways (DPWH) na itao sa sainda an tadang pondo kan pigtutugdok kan NBI building sa Parañaque.
Partikularmente an pondo para sa phase 2, 3 asin 4 na nasa kamot pa ngunyan kan NBI.
Katakod kaini, sinaysay ni Santiago na kakaulayon kaini si DPWH Sec. Vince Dizon dapit sa magigin proseso kan pag-turn over kan budget sa proyekto.
Pighurot man ni Santiago na bayad na an phase 1 kan P2.4B building kan NBI. Partikular an pigtugdok kan duwang construction companies kan mga Discaya sa Maynila.
Sinaysay pa kan NBI chief na sa pagmeeting ninda ni Dizon maaraman kun posibleng ipapauntok an konstruksyon kan establisyemento kan NBI na pinuonan na itugdok kan nakalihis na 2022 o 2023.
Enot nang pigbuyagyag ni Santiago na may nadiskubre ining katiwalian sa nasambitan ng proyekto.
