Nagsasagibo na nin backtracking an National Bureau of Investigation (NBI) sa mga nagin gibuhon kan duwang suspek sa pammamadil sa Bondi Beach.
Sigun ki NBI Spokesperson Palmer Mallari, nakikipag-koordinar na an NBI sa Bureau of Immigration (BI) asin Armed Forces of the Philippines (AFP) tanganing matukoy an mga nagin gibuhon kan mag-amang suspek sa pambabadil sa Bondi Beach sa Australia.
Kaibahan soboot sa mga aaramon kan NBI an gabos kan mga lugar na dinuman kan mag-ama, mga nakaulay, nakatransaksyon, asin mga ginibo mantang nagtinir sa nasyon.
Dae man igigilid an posibilidad na magsairarom an mga suspek sa military-style training sa nasyon asin posibleng igwang impluwensya kan Islamic State ideologies kaya nagibo an krimen.
Ini man soboot an rason kun tano kaipuhan na magsagibo nin backtracking huli ta masyadong halaba an haros sarong bulan na pagtinir kan mag-ama antes na magpasiring sa Sydney.
Marurumduman, pigkumpirmar kan BI na naghali sinda Sajid Akram asin Naveed Akram pasiring Sydney gikan sa Davao kan Nobyembre 28.
