Positibo an National Bureau pf Investigation na kayang maibweltada pa man an mga soboot hinabonan na yaman gikan sa maanomalyang flood control projects.
Sa isinagibong pulong balitaan kan nasambitan ng ahensiya, inihayag kan presenteng director na si Retired Judge Jaime B. Santiago na posible ining mangyari.
Hurot kaining pwedeng marekober pa kan gobyerno an kwartang nakua kan mga imbwelto gikan sa mga proyektong nahahampang sa kontrobersiya.
Nagtutubod kaya an nasambitan ng director na marerekober pa an binansagang ‘ill-gotten wealth’ sa nagpapadagos na ibong-ibong na pag-iimbestigar dapit sa isyu.
Mantang sa saro man na entrevista, saiyang ipinag-orgulyo an kakayanang kan ahensiya tanganing masuring marhay an mga marerekober na kwarta enkasong mangyari ini.
Igwa soboot mga propesyunal sa forensic accounting an katuwang asin kaibahan ninda digde sa pag-iimbestigar.
Kaya, pigtawan-duon ni Director Jaime B. Santiago na masasakitan soboot na makalusot an mga imbwelto huli man ta dae na soboot maitatago kan mga ini an soboot hinabonan na yaman.
Ini man bungar kan pakikipagtabangan asin koneksiyon kan ahensiya sa Anti-Money Laundering Council para sa aksyong gigibuhon sa mga konektadong bank accounts na madidiskubre.
Mientrastanto an Department of Justice man, inihayag na saindang dae pigsasarado o piggigilid an posibilidad na makunsidera pa man an mga Discaya komo testigo.
Sigun ki Justice Secretary Jesus Crispin ‘Boying’ Remulla, igwang pagkakataon an mga ini na magtindog komo testigo enkaso tupadon kaini an nagkapirang kondisyon.
Dapat muna soboot ilahad kan mga Discaya an katotoohan pati na man an gabos na naaaraman dapit sa isyu kan flood control projects.
