Matinir an pagpapautob kan No Contact Apprehension Policy (NCAP) maski ipagpaliban an rehabilitasyon kan EDSA, ini an pigsierto ni Transportation Secretary Vince Dizon kan nakalihis na Lunes.
Pigtawan-duon kan sekretaryo na dae limitado sa EDSA an NCAP asin saro ining mas efficient na paagi kan pagpapautob kan batas-trapiko.
Enot nang pig-anunsyar ni Presidente Ferdinand “Bongbong” Marcos Jr. an sarong bulang pagkaantala kan proyekto tanganing pag-adalan kun igwang mas bagong teknolohiya na pwedeng gamiton tanganig mas maparekas an rehabilitasyon nin 23.8-kilometrong tinampo.
Kun posible soboot target kan Presidente na tapuson ini sa laog kan anom na bulan.
Sa ibong kaini, an rehabilitasyon kan EDSA, piglalaomang madara nin matinding trapiko asin nakatalaang maghaloy hasta taong-2027.
Mientrastanto, liwat ipinautob an NCAP makalihis bahagyang halion kan Korte Suprema an Temporary Restraining Order, na ngunyan nagpapahintulot sana sa MMDA na magpautob kan nasambitan ng polisiya.
