NAGA CITY – Mas pahihigoton pa kan Naga City Police Office an pagpapautob nin curfew sa syudad orog na ngunian na paparani na an liwat na pagbubukas kan mga eskwelahan.
Sa nagin paghampang sa mga kagawad kan media ni PLt. Col. Chester Pomar, tagapagtaram kan Naga City Police Office sinaysay kaini na magpapadagos an saindang pagbabantay orog na mga pigbugtakan ninda nin outpost sa Sagrada Familia.
Sa siring na paagi baku sana sa mga iligal na aktibidad sinda naiilikay kundi makakapag pokus man sinda sa pag-aadal.
Pinag-urgulyo man ni Pomar na kakadikit na sana an naiirehistro ninda o nadadakop na mga Child in conflict with the law o CICL asin naglalaom ini na dae na ini madudugangan pa.
Tinawan duon man kan opisyal na an mga CICL na menor de edad an pigdadara sa mga Childrens Home basado sa mandato asin pag-abot ninda sa legal age an sinda an dadarahon na sa BJMP o sain man na pinagsusugo kan ley.
An pagbubugtak kaya soboot sa mga ini sa mga Childrens Home an sarong porma kan reformation kun kaya dae sinda pig-iiba sa iba pang mga kriminal na naka detain sa mga Police Station.
