NAGA CITY – Narecover kan Naga City Police Office an tolong carnap na motorsiklo sa ginibong follow-up operation kan mga otoridad.
Sa entrevista kan Bombo Radyo Naga ki PLTCOL Chester Pomar, Public Information Officer, kan Naga City Police Office, sinaysay kaini na sa presente igwa nin nairehistro na tolong carnap case sa siyudad nin Naga.
An pagkakarecover kan tolong motorsiklo an huli sa ginibong follow-up operation kan mga otoridad sa naarestar na suspek na binistong sarong 29-anyos asin residente kan Pasacao, Camarines Sur, na nang-carnap sa banwaan Bombon.
Sigun sa imbestigasyon kan mga otoridad, nagluluwas na kan nakalihis na tolong taon, pigsagibo kan suspek an paghahabon kan motorsiklo na pigpabakal sa banwaan kan Pasacao asin Pamplona.
