Pigsierto kan pamayuhan kan National Capital Region Police Office an bastante na numero kan saindang mga personahes na naka-deploy sa mga komunidad.
Sigun ki NCRPO Acting Director PBGen. Anthony Aberin target nindang magin visible an saindang mga personahes sa mga lansangan asin sa publiko.
Soboot, kaibahan ini sa mga napag-ulayan sa pigganap na 3rd Command Conference kun saen pigpartisiparan kan Command Group, District Directors, asin iba pang mga opisyal kan NCRPO.
Target man ni Aberin na magkaigwa nin mas makabuluhang community engagement an saiyang mga personahes sa bilog na National Capital Region.
Pigsierto man kan opisyal an pagkakaigwa nin tamang kasulotan kan saiyang mga personahes asin pagbubugtak kan mga babaeng pulis komo mga desk officers.
Pigpapasierto man kaini an mas mahigot na pagpapautob kan operasyon kontra sa ilegal na droga asin ilegal na pagsusugal sa saindang mga area of responsibility.
Katakod kaini, nangapudan an opisyal sa saiyang mga personahes na pahewason an pagsasagibo nin counter-intelligence.
