Nakapreparar na an National Commission of Senior Citizens (NCSC) sa pagppautib kan Republic Act 10868 o mas bistado komo Centenarians Act of 2016.
Puon kaya sa January 2025, kakaputan na kan komisyon an pagpapautob sa Centenarians Law, an ley na nagtatao kan bastanteng benepisyo sa mga nakagugurang.
Apwera sa lumang Centerians Law, pangengenotan na man kan komisyon an pagpapautob sa Republic Act 11982 o an Expanded Centenarians Law.
Sa irarom kan 2016 Centenarians Law, pigtatawanan an mga senior nin hasta 100,000 cash kun naabot kaini an edad na 100.Sa irarom man kan Expanded Centenarians Law, matatawan nin P10,000 cash an mga senior na maabot na sa edad na 80.
Panibagong P10,000 kun naabot kaini an 85, 90 asin 95.Kun mag-abot na sa 100 an edad, makakaresibir na an mga ini nin P100,000 cash.
Pigsierto man kan ahensiya an marhay na transition sa pagpapautob sa mga nasambitan ng ley na presenteng pigpapangenotan kan Department of Social Welfare and Development (DSWD).
