Sarabay an pigkundusir na assessment asin response kan National Disaster Risk Reduction and Management Council (ndrrmc) sa mga naapektaran kan bagyong Tino pati na an papaabuton man na panibagong bagyo sa nasyon.
Sigun ki NDRRMC Chair asin Department of National Defense Secretary Glibert Teodoro, igwa na sanang window time hasta sa Sabado antes maglaog an panibagong bagyo na aapudong “Uwan” kun kaya labi an preparasyon na saindang pigsasagibo.
Sigun pa sa opisyal, dagos-dagos man an Office of Civil Defense (OCD) sa pakikipagkoordinar sa mga lokal na opisyal tanganing maalalayan sa nasambitan ng preparasyon.
Nakapreposition na man an Department of Social Welfare and Development pati na an Department of Health tanganing maghatod nin serbisyo sa mga residenteng maapektaran kan bagyo.
Kun saen pigpaplano nin marhay an mga lunadan tanganing dae masayang an mga espasyo na bubugtakan kan mga relief item.
Sa ngunyan pa dae tukoy kun saen magla-landfall an papaabuton na bagyo alagad pig-aagapan na kan ahensya orog na an pag-uuran na maeeksperyensiyahan sa nasyon sa maabot na Sabado.
