Nakaguno nin batikos gikan sa Trade Union Congress of the Philippines an ₱64 kada aldaw na badyet sa pagkakan na pigtatantya kan National Economic Development Authority (NEDA) para sa kada pamilya na igwa nin limang miyembro.
Segun ki TUCP Vice President Luis Corral, insulto ini sa mga trabahador na Pilipino urog na sa paglangkaw kan presyo kan mga basic commodities.
Mayo man suboot nin makakaabot sa siring na kantidad na bako sanang nakakakulog sa boot kundi delikado.
Sinaysay pa kaini na an pagtulod kan grabeng maraot na food poverty threshold sarong disservice sa aspirasyon na pigtutulod ni Presidente Ferdinand Marcos Jr. tanganing mapakarhay an buhay kan mga pobre sa irarom kan bagong Pilipinas.
Imbes soboot na mapakarhay, malnutrisyon an papadumanan kan lambang hobenes na Pilipino na segun sa UNICEF Philippines iyo an rason kan pagkagadan kan 95 na mga kaakian sa Pilipinas aroaldaw.
