Aram baya nindo mga ka-Bombo na kun igwang sukulan an tataram na “haloy”, siertong pasado digde an naeksperyensiyahan negosyanteng Libyan na inabot nin 16 na taon antes maresebir an saiyang inorder na Nokia cellphone.
Huli man ta garo nag-time travel an sarong mobile phone seller sa Tripoli makalihis na mag-abot sa saiyang harong an sarong shipment kan Nokia cellphone na inorder pa kaini kan taong-2010. 16 na taon na an nakalihis puon kan orderon an mga ini, antes pa man magsiklab an matinding civil war na nagparalisa sa logistics asin customs kan nasyon.
Sa viral video, pasubang hinapot kan negosyante kun mga gadgets pa ba ini o mga “historical artifacts” na orog na ta obsolete na an mga ini siring kan mga lumang Nokia Communicator.
An labi na nakakapanghinayang asin ironic sa pangyayari, parehong nasa Tripoli sana an warehouse kun saen kaini ini inorder, na pirang kilometro sana an distansiya ninda sa lambang saro.
Alagad huli sa tindi kan ribok asin pagkakabanga kan gobyerno sa Libya, inabot nin haros duwang dekada antes nailuwas gikan sa alpog an package asin naihatod sa saiya.
Nagsirbing simbolo an insidente kun pano kayang pahaluyon kan giyera bako sana an negosyo, kundi pati an oras asin normal na pamumuhay.
