Binuwag ni Presidente Ramchandra Paudel kan Nepal an saindang parlyamento asin nagtalaan nin panibagong halalan sa Marso 5, 2026.
An desisyon an ginibo makalihis an sarong semanang kariribokan na napuli sa pagkakatalaga kan primerong babaeng punong ministro kan nasyon.
Sigun sa pahayag kan opisina ni Paudel kan nakalihis na Biyernes nin banggi, inatasan kaining paraientras mamayo si dating Chief Justice Sushila Karki.
Ini an itinalaga makalihis an matinding kilos-protesta na pinangenutan kan mga jovenes na inapod na “Gen Z,” na nagkokontra sa katiwalian sa gobyerno.
Napiritang magbutas si dating Punong Ministro K.P. Sharma Oli makalihis lumala an tensyon asin magresulta sa pagkagadan kan dae mabababa sa 51 katao asin pagkakalugad kan labi sa 1,300.
Itinalaga si Karki makalihis an duwang aldaw na negosasyon sa pag-ultanan ni Presidente Paudel, Army Chief Ashok Raj Sigdel, asin mga lider kan protesta.
Mientrastanto, nagluwas nin pahayag an India, karatid na nasyon sa timog kan Nepal, na naglalaom na mabunga an mga pangyayari kan katrangkiluhan asin katatagan sa saindang karatig-nasyon.
