NAGA CITY – Opisyal nang nag-ooperate an Nephrozone Health Center o Dialysis Center sa banwaan nin San Jose Partido Camarines Sur kan nakalihis na Mayo 14, 2024.
Sa entrevista kan Bombo Radyo Naga ki San Jose Mayor Jerold Peña, sinaysay kaini na igwa ng 56 na pasyante an natatawan serbisyo kan nasambitan ng pasilidad na dakulang kagianan bako sana para sa sainda kundi magin sa saindang mga kaparientes.
Sigun pa ki Peña, an nasambitan ng Dialysis Center an igwang bago asin baratong makina, malipot asin marhay an pasilidad asin an pinaka-importante sa gabos bukas dawa bakong residentes kan banwaan nin San Jose.
Dugang pa kan opisyal, naoogma soboot ini nin huli ta saiyang nahihiling na an dakulang tabang kan Dialysis Center sa mga pasyente, kung saen dae na kaipuhan pa kan mga ini na magbiyahe nin harayo tangani sana na makakua nin serbisyo medikal.
Pig-urgulyo pa ni Peña na sa bilog na Rehiyon 5, an San Jose Partido sana an igwa kan siring na wellness center.
Sa ngunyan, dakula na sana an pasasalamat kan opisyal sa Kagurangnan nin huli ta dae soboot kaini pinabayaan an banwaan nin San Jose asin padagos na namamatean an kauswagan sa lugar.
