Nagluwas nin mga bagong panundunan an National Food Authority (NFA) sa pagbakala nin mga paroy.
An nasambitan ng panundunan an pirmado ni Agriculture Secretary asin NFA Council chairman Francis Tiu Laurel na obheto na mapagtibay an transparency.
Alinsunod man ini sa kasuguan ni Presidente Ferdinand Marcos Jr na magkaigwa nin sigurado asin patas na presyo sa mga paraoma tangani mapalangkaw an saindang kita.
Nakabugtak sa nasambitan ng bagong panundunan na sulamenteng mga berepikadong paraoma na nakalista sa Registry System for Basic Sectors in Agriculture (RSBSA) o bistado kan local government units an turugutan na magpabakal nin paroy sa NFA.
Kada regional branch kan ahensiya an pigsugo na masumiter asin mag-display nin bulanang listahan na nagdedetalye nin mga pangaran kan sellers asin man an dakol kan mga paroy na naideliver.
