Pigsiertoo kan pamayuhan ka National Food Authority na nakapreparar ining magsimbag sa mga pangangaipuhan kan mga Local Government Unit partikularmente na sa paghahatod kan mga bagas na gagamiton kan mga lokal na gobyerno sa saindang mga disaster relief operations sa lugar na apektado kan nakalihis na raot kan panahon.
Ini an igwang koneksiyon sa mga pag-urang dara kan nakalihis na bagyong Crising asin epekto kan Habagat.
Sa sarong pahayag, sinaysay ni NFA Administrator Larry Lacson, marekas sindang nakapagpaluwas nin suplay kasunod kan kahagadan kan mga lokal na gobyerno.
Kinababalihan ini kan 200 sako kan bagas na pighatod sa Puerto Princesa asin 300 sako kan bagas para sa probinsiya kan Palawan.
Paliwanag kaini na mas kadikit an nag-request nin suplay sa NFA huli sa marekas na prepositioning kan relief resources kan saindang ahensiya.
Liwat man kaining pigsierto na igwang bastanteng suplay kan bagas an NFA na magagamit enkaso kaipuhanon.
