NAGA CITY- Nagpakol sa P42 bilyon na kantedad an pig-alokar na budget para sa National Irrigation Administration sa masunod na taon.
Sa nagin paghampang sa mga kagawad kan media ni Engr.Gaudencio De Vera, Regional Manager kan NIA- Bicol, sinaysay kaini na dakulang tabang an nasambitan ng kantedad sa saindang prayoridad na programa an pagpapakarhay kan mga naraot na irrigation system sa rehiyong Bicol.
Sigun pa sa opisya, kaipuhan na masimbagan an rehabilitasyon sa nasambitan ng mga imprastraktura na nadanyaran kan bagyong Kristine.
Paliwanag ni De Vera huli ta dae naanteseperan kaidto an magigibong epekto kan nasambitan ng bagyo kun kaya nagkawsa nin dakulang problema na hasta sa ngunyan an padagos pang pigsisimbagan.
Katakod digde, nagpakol pa sana sa 70% an napapakarhay sa mga irrigation system kun kaya dagos an saindang pigsasagibong repair o restoration.
Sa paagi kan lakdang na ini makakabuhat an mga paraoma gikan sa epekto kan mag nag-aging bagyo sa Rehiyon na nagkawsa nin pagkalugmok sa sektor kan agrikultura.
Sa ngunyan, piglalaoman na madududangan pa an mga napakarhay na Irrigation system orog na ta puspusan man an saindang ginigibong lakdang tanganing masimbagan ini.
