Nagbwelta si Nicholas Kaufman ki dating Sen. Antonio Trillanes IV kasunod ng sarong facebook post kan huri, kun saen kaibahan kaini an nagkapirang opisyal kan International Criminal Court (ICC).
Nagkapirang aldaw makalihis ibasura kan ICC an kahagadan ni dating Presidente Rodrigo Duterte na paramientras na makalaya, nagpost si Trillanes nin sarong lumang ladawan kaibahan an duwang dae na pinangaranang opisyal kan ICC.
Mahihiling a ladawan na kapot ni Trillanes an nagkapirang dokumento.
Sa pahayag na iniluwas ni Kaufman, tinukoy kaini an nagin aksiyon ni Trillanes komo sarong nakakangirit na paagi tanganing ipahiling na ini an igwang dakulang impluwensiya.
Inakusaran man ni Kaufman an dating senador na pigsasamantala an mga mayong kamalay-malay na opisyal kan ICC, na soboot nagapahiling nin political manipulation asin nagin paagi tanganing dagusang maibalyo si dating Presidente Duterte sa The Hague.
Pigsierto man kan abogado na mabubunyan ini sa tamang panahon.
Sa Facebook post ni Trillanes, nakabugtak sa saiyang caption an katagang: “Salamat, ICC.” Kasunod kan nagin desisyon kan ICC kan nakalihis na Nobyembre 28 dapit sa interim release kan dating Presidente, sinaysay ni Trillanes na dae na dapat pigpapalaom kan mga lider kan Duterte camp an saindang mga tagasuporta.
Dae na soboot makakalaya an dating Presidente komo kabayadan sa ribu-ribong Pilipino na soboot saiyang ginadan.
