Sierto na an paglaog sa quarterfinals kan NLEX Road Warriors makalihis daogon sa overtime sa skor na 103-99 an Barangay Ginebra sa nagpapadagos na PBA Governors’ Cup.
Igwa na nin limang gana asin limang daog an Road Warriors sa Group B tanganing makua an huring puwesto sa kawat na pigsasagibo sa Araneta Coliseum.
Nagbida sa kapanganahan kan koponan si import DeQuan Jones na igwa nin 44 points, 10 rebounds mantang si Robert Bolick an igwa nin 16 points, 11 assists asin pitong rebounds asin 12 points man si Anthony Semerad.
Pig-aki man ni NLEX coach Jong Uichico na kontrolado ninda an regular regulations alagad nagin marhay an adjustments kan Ginebra kaya kaipohan an overtime.
Komportable na an NLEX sa 92-85 na kalamangan ninda sa laog kan 2:14 hasta sa nakahapag an Ginebra sa paagi ni Justin Brownlee.
Nasayang an nagibong 26 points, 12 rebounds, apat na assists, duwang steals asin duwang blocks mantang si Aguilar an igwa nin 22 points asin siyam na rebounds.
Huli digdi, igwa na nin apat na daog an Gin Kings asin anom na kapangganahan.
