NAGA CITY- Rata sa kamot kan mga otoridad an Number 1 Municipal Most Wanted Person kan Canaman PNP sa paagi kan mandamiento de arestong pigsirbi kan mga otoridad sa Brgy Peñafrancia, Naga City.
Binisto an suspek na si Robello Bolaer, 44 anyos.
Sa entrevista kan Bombo Radyo Naga ki PSI Chester Pomar, acting COP kan Canaman PNP, sinaysay kaini na nagpasiring sa nasambitan ng lugar an pinagsarong pwersa kan Naga City Police Office (NCPO) asin Canaman PNP dara an mandamiento de aresto kontra ki Bolaer sa kasong rape na ipinaluwas ni Hon. Judge Rosita Lalwani, kan RTC Branch 28, Naga City.
Sa ngunian nagtitinir na man sa kustudiya kan mga otoridad an suspek para sa maninigong disposisyon.
Napag araman na maabot sa labi sarong taon nang nagtatago sa mga otoridad an suspek makalihis gibuhon an nasambitan ng krimen.
Meintrastanto, nakatalaan na ining darahon sa Tinangis Penal Farm mantang padagos man suboot na imomonitor kan mga otoridad an kaso kan nasambitan ng suspetsado.
