Nagdipensa si National Security Adviser (NSA) Eduardo Año sa ginibo ni Presidente Ferdinand Marcos Jr. na reorganization o pagbabago sa mga opisyal na nagbibilog sa National Security Council (NSC).
Enot nang pigpaluwas ni Presidente Marcos an Executive Order No. 81 s. 2024 na nagin basehan kan nasambitan ng lakbang. Digde an dagusan na hinali si VP Sara Duterte komo myembro kan konseho, kabali na an mga dating presidente kan nasyon.
Katwiran ni Año na nagsisirbi man komo NSC Director General, an nagin lakbang kan presidente ay importante para mas mapakusog pa an formulation o pagbilog kan mga polisiyang nakaka-apektar sa national security.
An NSC soboot an sarong advisory body asin an komposisyon kaini o nagbibilog digde ay salig pa man sa kapangyarihan asin desisyon kan Presdente kan nasyon.
Inihalimbawa kan NSA an nakapalaman kan Administrative Code of 1987 na nagtatao nin kapangyarihan sa presidente na dagos-dagos na i-reorganize an administrative structure kan Office of the President kun saen an konseho ay parte kaini.
Magin ang mga nakalihis na administrasyon soboot ay nagsagibo man kan reorganization sa mga nagbibilog sa NSC tangani masimbagan an pangangaipuhan asin dalagan kan saindang administrasyon.
An nasambitan ng lakbang soboot ay huli na man sa presente asin posibleng maluwas pang mga huma sa pambansang seguridad na kaipuhan simbagan kan administrasyon.
