Pigsuportaran ni National Security Adviser Eduardo Año an plano kan Department of Agriculture na pagdedeklarar nin food security emergency tangani masimbagan an naglalangkaw na presyo kan bagas sa bilog na nasyon.
Pigtawan duon ni Año na importante ini sa national security kun saen an food security an saro sa mga pangenot na component kan 15-point National Security Agenda. Ini an nakapalaman soboot sa 2024 National Security Strategy (NSS) kan Marcos administration.
Segun ki Año, susuportaran kan National Security Council an anuman na lakdang kan DA tangani masimbagan an halangkaw na presyo kan bagas asin iba pang mayor na commodities sa nasyon.
Pig-inkaminar man ni Año an pribadong sektor na makipag-cooperate sa kahagadan kan gobiyerno na gibuhong mas abot-kaya an mga basic commodities para sa mga konsyumer. Sa irarom kan Republic Act 12708 o Agricultural Tariffication Law, may kapangyarihan an kalihim kan DA na magdeklarar nin food security emergency enkaso may ‘extraordinary increase’ sa presyo kan bagas o kun may mahewasang kakulangan nin stock kan bagas sa nasyon.
