Nagtindog an National Security Council (NSC) na maski dae maski nuarin mapapatoninong an Pilipinas.
Ini an kasunod kan porbar na pagpugol kan China sa screening sa Doc Edge film festival sa New Zealand kan dokumentaryo ka Pilipinas na “Food Delivery: Fresh from the West Philippine Sea” na nagtatalakay sa mga isyu sa nasambitan ng kadagatan.
Sa sarong statement, nagpahayag nin matinding pagkahadit an konseho sa nagin lakdang kan China.
Sigun ki National Security Adviser Eduardo Año, an paggamit kan diplomatic pressure tanganing i-demand an kanselasyon kan dokumentaryo an nagpapahiling kan hayagagang pagpoporbar tanganing patoninongon an makapangyarihang naratibo an nagsisiwalat kan tunay na sitwasyon sa WPS asin sa pang uro-aldaw na reyalidad na pigkakahampang kan mga parasirang Pilipino.
An pagpugol mang ini an bako soboot katanggap-tanggap asin direktang paghamak sa mga prinsipyo kan malayang pagpapahayag, artistic freedom asin democratic discourse.
Katakod kaini, nagpaabot nin suporta an konseho sa direktor na si Babyruth Villarama asin sa mga producer kan Food Delivery na sarong matapang asin napapanahong dokumentaryo na nagtatao nin boses sa mga padagos na nagdedepensar sa soberaniya asin sa karapatan sa kadagatan kan Pilipinas.
Pig-omaw man kan NSC an Doc Edge Film Festival, partikularmente na si General Manager Rachael Penman, na nagsayumang magsuko sa foreign pressure asin pinaglaban an derechos sa pagpapahayag kan mga istorya katakod sa ulayan sa WPS.
Pig-enkaminar man kan NSC an international community, orog na an filmakers,artists, media platforms, asin democratic institutions, na tutulan an coercion asin censorship.
