Suportado kan National Task Force for the West Philippine Sea (NTF-WPS) an rekomendasyon kan mga siyentista sa rehabilitasyon kan bahura asin pagpapanimbag sa responsable sa iraramom kan ley kan Pilipinas.
Ini makalihis magkawsa nin danyos nin pagsadsad kan Chinese maritime militia vessel huli kan maraot na kamugtakan kan panahon kan bulan nin Hunyo harani sa Pag-asa reef 1 na pigkakarkulo na nasa 2.6 kilometers puon sa sirangan kan Pag-asa Island.
Nadiskubre man kan mga diver asin maritime scientist gikan sa Palawan Council for Sustainable Development (PCSD) kan dumanan ninda an lugar kan nakalihis na Hunyo 17 an dakulang parachute anchor na nasa rarom na siyam na metro na nakasaklop sa coral reefs na sigun sa maritime scientist an siring kaining danyos an matindi na makakaapektar sa coral ecosystem.
Siring man kaini, pigsierto man kan task force na padagos sindang committed sa pagprotehir sa West Philippine Sea, pagpreserbar sa satong marine ecosystems, asin sa kapakanan kan mga komunidad na digdi nakadepende an kabuhayan.
