Dae maisalbar kan monster double-double ni Nikola Jokic an Denver Nuggets makalihis ining tapatan ni San Antonio Spurs center Victor Wembanyama.
Sa nagin bakbakan kan duwa an liwat kayang nagkamadasi Jokic nin 41point, 18 rebounds, asin siyam na assists.Siring man, tinapatan man ini ni Wemby nin 35 points asin 18 rebounds.
Nagin mahigot an laban sa tahaw kan duwang magabat na koponan asin makapirang beses na nagribayan nin lead.
Sa paglaog kan huring quarter, kapot kan Nuggets an tolong puntos na kalamangan alagad pinirit kan Spurs na ungusan an 2023 NBA Champion.
37 seconds antes matapos an kawat, nagibo kan Spurs na kapotan an sarong puntos na lead, 111 – 110, mantang kapot kan Nuggets an bola.
Pinirit ni Jokic an magpalaog nin 3-point jump shot alagad bigo ining magkonektar mantang nakua man kan Spursan rebound.
Siring man, na-out of bounds an Spurs na nagin transition play kaya napasiring sa Nuggets an bola.
Tulos man nagpa-apod an koponan nin time-out asin sa pagbweltada sa kawat an pigporbaran ni Jokic na ipasa an bola sa saiyang teammate alagad dae ini naagaw ni Wemby.
