Nangapudan an Commission on Elections (Comelec) kan nakalihis na aldaw nin Sabado na gibuhong krimen an nuisance candidacy sa tahaw kan pagkasayang kan nasa 6 milyon na naimprentang balota.
Segun pa ki Comelec Chairman George Erwin Garcia, kun dae kulong, nagkakanigo na patawan nin multa komo padusa.
Enot nang nagluwas nin temporary restraining order an Supreme Court (SC) kontra sa diskwalipikasyon kan duwang senatorial aspirant na sinda Subair Guinthum Mustapha asin man dating Caloocan City representative Edgar Erice kaya nagdesisyon an Comelec na ipa-untok an pag-imprenta kan official ballots, na kun saen 6 milyon na an nakumpleto.
Nasundan pa ini kan sarong desisyon kan SC sa tulong aspirante sa lokal na posisyon.
Pighurot pa ni Garcia na nakabugtak sa Omnibus Election Code na an nuisance candidacy sarong “legal” asin “constitutional” na urulay.
Dawa na ngani mayo pa soboot naririsiber na kopya kan TRO an Comelec katakod sa nagkapirang kandidato na naideklarang nuisance, tulos na kaining pigpapundo an pag-iimprenta sa balota.
An liwat na pag-imprenta kan 6 milyong Kan nakalihis pa na aladaw nin Biyernes, pigpuonanan na an paghahakot kan nasayang na mga balota pasiring sa warehouse sa Sta. Rosa, Laguna kun saen ini maagi sa paper-melting process.
