Mas kadakol pa sa numero kan mga aplikasyon na nareseber kan Commission on Elections (Comelec) an listahan kan mga na-deactivate asin na-delist na mga botante, haros sarong bulan antes matapos an voter registration para sa 2025 midterm elections.
Basado sa datos na pigtao ni Comelec Chairman George Garcia, nakapagproseso an poll body nin kabilugang 5.9 milyong voter registration application na pending pa an pag-apruba kan election registration boards (ERBs). Alagad an dae makakaboto sa masunod na tao an mas dakula sa labi 6 milyon: 5,376,630 botante na na-deactivate; asin 714,152 na pighali gikan sa pambansang listahan kan mga rehistradong botante.
An mga na-deactivate asin nahali sa listahan na mga botante an ibabawas sa presenteng kabilugang numero kan mga botante, na nasa 67,839,861 kan Oktubre 2023 Barangay asin Sangguniang Kabataan (SK) elections.
Haros gabos kan 5.3 milyong botante na na-deactivate an nabigong nagboto sa duwang magkasunod na regular na eleksyon orog na kan Mayo 22, 2022 asin Oktubre 30, 2023.
